నరకం

నాలో నేను కాని ఒకడుంటాడు,

అప్పుడప్పుడూ కనబడేవాడు ఈ మధ్య ఎక్కువగా కనబడుతున్నాడు.

ఒక్కోసారి నేను వింటే సరి పోయేవి వాడు వింటాడు,

విని ఊరుకోడు.

వాడికి నాకున్నంత ధైర్యం లేదు, పిరికి వాడు

వాడికి నాకున్నంత స్థైర్యం లేదు, బలహీనుడు

నాకు పది మంది లో ఉండడం ఇష్టం , వాడు ఒంటరి

నాకు నిబ్బరం ఎక్కువ , వాడు తుంటరి

ఏన్దో వాడు అర్థం కాడు అప్పుడప్పుడూ ..

నేను నిప్పుకి ఎదురెళ్తా గానీ , వాడు ఊదితే ఆరిపోతాడు... కానీ నాలోనే ఉన్నాడు

నేను తప్పునే తమాయించుకుంటా గానీ, వాడు తలపు కే అటు ఇటు అవుతాడు .. కదిలి పోతాడు

వాడి ఆలోచన నాకు వినబడుతుంది

వాడి ఆవేదన నాకు కనబడుతుంది

తన్నినా గాయపడడు, తాకితే ఏడుస్తాడు

గుద్దినా గుర్రు మనడు, గుబులు కే గురుతు వాడు 

పేరుకే పెత్తం దారు, ఒద్దన్నా ప్రేమిస్తాడు

ఏడుపంటే వాడి దగ్గరే చూసా

ఏం చేద్దాం చెప్పు,

వాడ్ని నీకు చూపించ లేదు

వాడ్ని నేనూ సరిగ్గా చూసుకోలేదు, చెప్పాలంటే

ఏం చేద్దాం చెప్పు

పూర్ణ (mar 12, 2023)